A Lei do 30/2007 de Contratos do Sector Público establece que a partires do pasado 1 de agosto todas as grandes empresas, aquelas que non podan presentar conta de resultados abreviada, están na obriga de utilizar a factura electrónica na súa relación coa administración pública española. A data de comezo para o resto de empresas será o 30/10/2010. Dita obriga en realidade abrangue a ámbalas dúas partes da relación xa que se ben as empresas deberán estar en disposición de emitir de xeito electrónico as súas facturas, tamén a administración deberá ser quen de recepcionar e procesar ditas facturas.

Para facilitar ambolos casos instalamos portais de recepción, nos que os provedores podan xerar e presentar as súas facturas de maneira cómoda e segura. O organismo ou empresa propietaria do portal será sempre o cliente que terá por destino todas as facturas emitidas dende o portal, o que lle capacita para adaptalo ás súas necesidades: identificación dos provedores, regras de negocio, tipo de integración das facturas, etc. Deste xeito resólvese o dispoñer dun punto de entrada das facturas e, á súa vez, permítese aos provedores pequenos que non teñen capacidade para operar deste xeito, o feito de seguir traballando coa administración ou empresa cliente.

Doutra banda dispoñemos de portais de emisión para xestionar a totalidade do proceso de facturación.

Neste caso os clientes accederán ao portal para consultar as súas facturas, descargalas e indicar a súa aceptación ou rexeitamento para continuar co ciclo de vida das mesmas.

Totalmente configurables para se adaptar ás necesidades particulares de cada organización.